India
-Versión Quechua-
Qoyan ourin
orqon q´asanta
rikrankunapi
llasa wawanta
Q´epiyukuspa
llapa llakinkunatawan
llamankunawam, wik´unakunanwam,
alpakankunawan kuska.
Allpapi naq´esqa
llapa munay kaynin,
makinkunapitaq
chikan puska
llikllanta rikch´arichispa
munay momterantawan.
Qoya
sonqaykipin phatatan
llapa masiykikunaq nanaynin
qanpin ch´ukllayki kashan
sanp´a q´osñipuwan.
Yuyaychasqaykimantan paqarin
harawikuna
chiri lomakunapi
waq´a wayraq ch´eqerichisqan
q´ara allpakuna
ruphariywan mana puñuyniyoq
chaypin ichhu
aswan ch´uya unanchan.
Llakisqa qoya,
sapallaykin qhepanki
mana kuyurispa, llanthusqa
nanayta phakmispayki
ichaqa mana qaparinkichu…
nunaykiq cheqaq
llakinta hich´aspa,
ch´inniykipi
ancha waqayniyki
sonqoy kiman churan
yawarchasqa k´irita.
Qoya
kunanqa llakiykikunata qonqespa kapinki
ch´usaq yuyaykuna sayaricheq
willkamayoq misk´i
llanp´u munakuyninwan.
Inti haykuypa
puka much´ayninwan,
Inti taytaq
haykupushanan kama
yariwinki takiykita
ancha tukuy sonqoykiwan
ch´ak tutakunataq
nanayniykikunata pakanki
apuy kikunata waqyarispa.
Qoya,
sonqoykiq tukuy wayllukuyniywan
misk´i mañakuyniykikunata
haywarinki hanaqpi
mana wañoq Wiraqochaman.
(Luz Samanez Paz / Apurímac - Perú)