Inka Pachapi Qheswasimi
-Versión Quechua-
Inka pachapi Qheswasimi,
anti allpakunaq paqariyninmantaraq,
t´ikarishanki wiñaychasqa ñukch´u hina,
p´unchaykunaqpas tutayasqanpi…
hinan illarin qoyllu-pachalli wiñaychayniyki.
kausayniykeq ukhunpin haraweqkuna,
roqya seq´ekunawan yarawinkuta awanku,
sapanka raphikunapitaq harawikuna quepan.
K´uycheq tullpinkunamanta
hukllikuna t´ipisqa.
Khipukamayoqkuna tullpisqa q´aytukunapi
pachata khipunku, watakunata wataspa.
purisqaykipin qorimanyakuna
takin,
Inkapachapi qoreq mirasqanta
qerokunamantataq walla taki paqarin,
antikunapi t´oqyaq qhaqya kunkawan,
k´acha nimaynikeq harawinpi
armakuntaq paka rimaypa qhorqosqanpi,
chaymi qorqanki Willaq Umakunaman
inteq purinanta, killaqta, ch´askakunaqtapas,
hinataq atiparqanku Yachay Wasipi waqaychayta
runaq allpaq q´aya kausayninmanta yachayta.
Chay raykun,
Qheswasimiqa
wayraman suchin
willkachasqa misk´ipuni rimayninta,
ancha munaytapunin t´oqyan kay simi
sonqo ukhupi k´anchashaq qespi hina.
(Luz Samanez Paz / Apurímac - Perú)